Raja Raja Chora Teaser: శ్రీవిష్ణు ఈసారి హిట్టు కొట్టేలా ఉన్నాడు..!

శ్రీవిష్ణు, మేఘా ఆకాష్ జంటగా నటిస్తున్న తాజా చిత్రం ‘రాజ రాజ చోర’. కొద్దిరోజుల నుండీ ఈ చిత్రం ప్రమోషన్లు విభిన్న పద్ధతిలో జరుపుతున్నారు చిత్ర యూనిట్ సభ్యులు. వారి ప్రయత్నానికి మంచి రెస్పాన్స్ వచ్చింది అలాగే సినిమాపై బజ్ కూడా ఏర్పడింది. ‘అభిషేక్ అగర్వాల్ ఆర్ట్స్’ మరియు ‘పీపుల్ మీడియా ఫ్యాక్టరీ’ సంస్థల పై అభిషేక్ అగర్వాల్ మరియు టి.జి.విశ్వప్రసాద్ లు కలిసి ఈ చిత్రాన్ని నిర్మిస్తున్నారు.

హసిత్ గోలి ఈ చిత్రానికి దర్శకుడు. ప్రచార కార్యక్రమాల్లో భాగంగా కొద్దిసేపటి క్రితం ఈ చిత్రం నుండీ టీజర్ ను విడుదల చేశారు. శ్రీవిష్ణు ఈ చిత్రంలో దొంగ గా కనిపిస్తూనే పైకి సాఫ్ట్ వేర్ ఇంజనీర్ అంటూ జనాలను నమ్మిస్తున్నారు. మరోపక్క మెగా ఆకాష్ తో హీరో ప్రేమలో ఉన్నట్లు కూడా చూపించారు. అయితే అదే ఊరికి పోలీస్ ఆఫీసర్ గా ట్రాన్స్ఫర్ అయిన రవిబాబు.. ఒక్క దొంగ దొరికితే సిటీలో జరుగుతున్న దొంగతనాలను అతని పై నెట్టెయ్యలని చూస్తుంటాడు. ఈ క్రమంలో హీరో అతని కళ్ళకి చిక్కుతాడు.

ఇలాంటి పరిస్థితుల్లో హీరో అతని నుండీ ఎలా బయటపడ్డాడు? అనే అంశాన్ని దర్శకుడు హిలేరియస్ గా తీర్చిదిద్దినట్టు స్పష్టమవుతుంది.టీజర్ అయితే ప్రామిసింగ్ గానే అనిపిస్తుంది. ‘తిప్పరా మీసం’ ‘గాలి సంపత్’ వంటి వరుస ఫ్లాప్ లతో రేస్ లో వెనుకబడ్డ శ్రీవిష్ణు.. ఈసారి హిట్టు కొట్టి ఫామ్ లోకి వచ్చేలా కనిపిస్తున్నాడు. ‘రాజ రాజ చోర’ టీజర్ ను మీరు కూడా ఓ లుక్కేయండి :

Share.