Pawan Kalyan: పవన్ ఫ్యాన్స్ రిక్వెస్ట్.. పట్టించుకుంటారా..?

పవన్ కళ్యాణ్ నటించిన ‘వకీల్ సాబ్’ సినిమా విడుదలైనప్పటి నుండి ఆయన ఫ్యాన్స్ నుండి ఓ కొత్త డిమాండ్ వినిపిస్తోంది. చాలా సినిమాలకు రిలీజ్ తరువాత సన్నివేశాలను తొలగిస్తూ ఉంటారు. ఇప్పుడు ‘వకీల్ సాబ్’ సినిమా విషయంలో కూడా కొన్ని సన్నివేశాలను తొలగించాలని డిమాండ్ చేస్తున్నారు. ఇంతకీ ఆ సన్నివేశాలు ఏంటంటే.. ఫ్లాష్ బ్యాక్ ఎపిసోడ్. సినిమా మొత్తంలో పవన్ ఫ్యాన్స్ తో పాటు చాలా మంది ప్రేక్షకులకు నచ్చని ఎలిమెంట్ ‘వకీల్ సాబ్’ ఫ్లాష్ బ్యాక్ ఎపిసోడ్. శృతిహాసన్ కనిపించే సన్నివేశాలు ఎవరికీ పెద్దగా నచ్చలేదు.

అందుకే ఇప్పుడు ఆ ఎపిసోడ్ ని తీసేయమని రిక్వెస్ట్ చేస్తున్నారు. నిజానికి ఈ ఎపిసోడ్ లోనే ‘కంటిపాప’ సాంగ్ ఉంది. అయినప్పటికీ ఈ పాటను యూట్యూబ్ లో పెట్టేసి సినిమా నుండి మొత్తం ఎపిసోడ్ ను తీసేయమని అభిమానులు.. నిర్మాత దిల్ రాజును కోరుతున్నారు. ఫ్యాన్స్ ఇలా రిక్వెస్ట్ చేయడానికి మరో రీజన్ కూడా ఉంది. అప్పటివరకు సినిమాలో గడ్డంతో అందంగా కనిపించిన పవన్.. ఫ్లాష్ బ్యాక్ ఎపిసోడ్ లో షేవ్ చేసేసి కాస్త యంగ్ లుక్ తో కనిపించారు.

అక్కడివరకు బాగానే ఉన్నప్పటికీ.. పవన్ కి మేకప్ సరిగ్గా సూట్ అవ్వలేదు. దీంతో వయసుమళ్లిన ఛాయలు బాగా కనిపించాయి. శృతిహాసన్ గెటప్, మేకప్ కూడా అలానే ఉన్నాయి. దీంతో ఈ ఎపిసోడ్ తీసేయాలని కోరుతున్నారు. కానీ సినిమాలో ట్విస్ట్ కి.. శృతిహాసన్ ఎపిసోడ్ కు లింక్ పెట్టాడు దర్శకుడు. కాబట్టి ఇప్పటికిప్పుడు ఈ సన్నివేశాలను తీయాలంటే కుదరని పని. అయినప్పటికీ ఫ్యాన్స్ మాత్రం సోషల్ మీడియా ఈ ఎపిసోడ్ తీసేయాలని రిక్వెస్ట్ చేస్తూనే ఉన్నారు.

Most Recommended Video

వకీల్ సాబ్ సినిమా రివ్యూ & రేటింగ్!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
జాతి రత్నాలు, ఉప్పెన, క్రాక్..ఇలా బాలీవుడ్ కు చాలానే వెళ్తున్నాయి..!

Share.