Kiara Advani: శంకర్ తో స్టార్ హీరోయిన్ డీల్!

‘భరత్ అనే నేను’ సినిమాతో టాలీవుడ్ లో పరిచయమైన నటి కియారా అద్వానీ.. ఆ తరువాత ‘వినయ విధేయ రామ’ సినిమాలో కనిపించింది. వీటి తరువాత ఆమెకి బాలీవుడ్ లో అవకాశాలు రావడంతో అక్కడకు వెళ్లిపోయింది. వరుస హిందీ సినిమాలు చేస్తూ బిజీ హీరోయిన్ గా మారింది. ఆమె నటించిన ‘కబీర్ సింగ్’ సినిమా రూ.300 కోట్లు వసూలు చేసింది. దీంతో దర్శకనిర్మాతలు కియారాను హీరోయిన్ గా తీసుకోవడానికి ఆసక్తి చూపిస్తున్నారు.

ఇప్పుడు బాలీవుడ్ తో పాటు సౌత్ సినిమాలకు కూడా గ్రీన్ సిగ్నల్ ఇస్తోంది ఈ బ్యూటీ. ఎన్టీఆర్ తదుపరి సినిమాలో ఈమెనే హీరోయిన్ అని అంటున్నారు. ఇదిలా ఉండగా.. దర్శకుడు శంకర్.. కియారాతో ఓ డీల్ కుదుర్చుకున్నట్లు తెస్తోంది. సాధారణంగా పెద్ద పెద్ద నిర్మాణ సంస్థలు ఒక హీరోయిన్ కానీ హీరోని కానీ పరిచయం చేసినప్పుడు తమ బ్యానర్ లో వరుసగా సినిమాలు చేయడానికి నిబంధనలు పెడుతుంటారు. కానీ శంకర్ మాత్రం ఎలాంటి నిబంధనలు పెట్టలేదని..

కియారా తన ఇష్టంతోనే శంకర్ తో మూడు సినిమాలు చేయడానికి అగ్రిమెంట్ చేసుకుందని సమాచారం. అందులో ఒకటి రామ్ చరణ్-శంకర్ సినిమా కాగా.. మరొకటి రణవీర్ హీరోగా శంకర్ రూపొందిస్తోన్న సినిమా. ఇవి కాకుండా మూడో సినిమా కూడా ఉంటుందట. మొత్తానికి స్టార్ డైరెక్టర్ తో వరుస ఆఫర్లు అందుకొని తన లిస్ట్ లో మరిన్ని సినిమా యాడ్ చేసుకుంది కియారా.

Most Recommended Video

తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!

Share.