Chiranjeevi: చిరు కోసం ఇంట్రెస్టింగ్ టైటిల్!

మెగాస్టార్ చిరంజీవి ప్రస్తుతం ‘ఆచార్య’ సినిమాలో నటిస్తోన్న సంగతి తెలిసిందే. కొరటాల శివ డైరెక్ట్ చేస్తోన్న ఈ సినిమా మే 13న ప్రేక్షకుల ముందుకు రానుంది. ఈ సినిమా తరువాత చిరంజీవి మరో యాక్షన్ ఎంటర్టైనర్ లో నటించబోతున్నారు. మలయాళంలో సూపర్ హిట్ అయిన ‘లూసిఫర్’ రీమేక్ కి చిరు గ్రీన్ సిగ్నల్ ఇచ్చిన సంగతి తెలిసిందే. మోహన్ రాజా డైరెక్ట్ చేయనున్న ఈ సినిమా షూటింగ్ త్వరలోనే ప్రారంభం కానుంది.

అయితే ఈ సినిమాకి ఓ పవర్ ఫుల్ టైటిల్ ఫిక్స్ చేయబోతున్నట్లు తాజా సమాచారం. నిజానికి ఇప్పటికే ఈ సినిమాకి సంబంధించి రకరకాల టైటిల్స్ ప్రచారంలోకి వచ్చాయి. ముందుగా ‘బైరెడ్డి’ అనే పవర్ ఫుల్ టైటిల్ అనుకున్నారు. ఆ తరువాత ‘బిగ్ బ్రదర్’, ‘బ్రహ్మరథం’ ఇలా మరికొన్ని పేర్లు వినిపించాయి. కొద్దిరోజుల క్రితం ‘రారాజు’ అనే టైటిల్ ఖాయం చేయబోతున్నట్లు వార్తలు వచ్చాయి. ఇదిలా ఉండగా.. ఇప్పుడు సినిమా కోసం మరో కొత్త టైటిల్ అనుకుంటున్నట్లు సమాచారం. అదే ‘కింగ్ మేకర్’.

‘లూసిఫర్’ కథ ప్రకారం.. ఇందులో హీరోకి, రాజకీయాలకు ఎలాంటి సంబంధం ఉండదు కానీ.. ముఖ్యమంత్రి కుర్చీలో ఎవరు కూర్చోవాలో నిర్ణయించే పవర్ ఫుల్ రోల్ అది. అందుకే ‘కింగ్ మేకర్’ అనే టైటిల్ యాప్ట్ అవుతుందని భావిస్తున్నారు. ఈ టైటిల్ చిరుకి కూడా బాగా నచ్చిందట. దాదాపు దీన్నే ఫిక్స్ చేసే ఛాన్స్ ఉందని టాక్. ఇక ఈ సినిమాలో నయనతార, సత్యదేవ్ లు కీలకపాత్రల్లో కనిపించనున్నారు. ప్రముఖ నిర్మాత ఎన్వీ ప్రసాద్, కొణిదెల ప్రొడక్షన్స్ సంయుక్తంగా ఈ సినిమాను నిర్మిస్తున్నాయి.

Most Recommended Video

వకీల్ సాబ్ సినిమా రివ్యూ & రేటింగ్!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
జాతి రత్నాలు, ఉప్పెన, క్రాక్..ఇలా బాలీవుడ్ కు చాలానే వెళ్తున్నాయి..!

Share.