Puri Jagannadh: పూరీకి ఉచిత సలహాలు ఇస్తున్న నెటిజన్లు..?

టాలీవుడ్ ఇండస్ట్రీలో వేగంగా సినిమాలను తెరకెక్కించే దర్శకునిగా పూరీ జగన్నాథ్ కు పేరుంది. వారం రోజుల్లో స్క్రిప్ట్ పనులు పూర్తి చేసే పూరీ జగన్నాథ్ కేవలం మూడు నుంచి నాలుగు నెలల సమయంలో షూటింగ్ ను పూర్తి చేసి చాలా సినిమాలను అనుకున్న డేట్ కు రిలీజయ్యేలా ప్లాన్ చేసుకున్నారు. అయితే పూరీ జగన్నాథ్ డైరెక్షన్ లో పాన్ ఇండియా సినిమాగా తెరకెక్కుతున్న లైగర్ విషయంలో మాత్రం భిన్నంగా జరుగుతోంది.

లైగర్ సినిమా విజయ్ దేవరకొండ హీరోగా పాన్ ఇండియా సినిమాగా తెరకెక్కుతున్న సంగతి తెలిసిందే. పూరీ జగన్నాథ్ గత సినిమా ఇస్మార్ట్ శంకర్ బ్లాక్ బస్టర్ హిట్ కావడంతో లైగర్ సినిమాపై భారీగా అంచనాలను నెలకొన్నాయి. కరోనా వల్ల లైగర్ సినిమాకు ఆటంకాలు ఎదురవుతున్నాయని తెలుస్తోంది. పూరీ తన సినిమాలను ఎక్కువగా ముంబై, గోవా బ్యాక్ డ్రాప్ లో తెరకెక్కిస్తారనే సంగతి తెలిసిందే. లైగర్ సినిమా షూటింగ్ ను కూడా ముంబైలోనే జరపాలని పూరీ జగన్నాథ్ భావిస్తుండగా కరోనా సెకండ్ వేవ్ వల్ల అక్కడ షూటింగ్ జరిపే పరిస్థితులు కనిపించడం లేదు.

ముంబైలో షూటింగ్ చేసే పరిస్థితులు లేకపోవడంతో హైదరాబాద్ లోనే షూటింగ్ చేయాలని పూరీ జగన్నాథ్ భావిస్తుండగా హైదరాబాద్ లో కూడా కరోనా కేసులు అంతకంతకూ పెరుగుతున్నాయి. తెలంగాణ సర్కార్ లాక్ డౌన్ విధించకపోయినా షూటింగ్ ల విషయంలో ఆంక్షలు విధించే అవకాశాలు అయితే కనిపిస్తున్నాయి. లైగర్ షూటింగ్ విషయంలో ఇబ్బందులు ఎదురవుతున్న నేపథ్యంలో పూరీ జగన్నాథ్ మరో సినిమాను మొదలుపెట్టాలని కొందరు నెటిజన్లు ఉచిత సలహాలు ఇస్తున్నారు. ఈ ఏడాది సెప్టెంబర్ 9వ తేదీన లైగర్ రిలీజ్ కావాల్సి ఉండగా ఆ తేదీన ఈ సినిమా రిలీజవుతుందో లేదో చూడాల్సి ఉంది.

Most Recommended Video

వకీల్ సాబ్ సినిమా రివ్యూ & రేటింగ్!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
జాతి రత్నాలు, ఉప్పెన, క్రాక్..ఇలా బాలీవుడ్ కు చాలానే వెళ్తున్నాయి..!

Share.