Major Movie: ‘గూఢచారి’ పోలికలున్నాయి..అయినా ఆకట్టుకుంటుంది..!

‘క్షణం’ ‘గూఢచారి’ ‘ఎవరు’ వంటి విజయవంతమైన చిత్రాలు తరువాత అడివి శేష్ హీరోగా నటిస్తోన్న చిత్రం ‘మేజర్’. శశికిరణ్ తిక్కా డైరెక్షన్లో తెరకెక్కిన ఈ చిత్రాన్ని ‘జి.ఎం.బి.ఎంటర్టైన్మెంట్’ మరియు ‘ఎ ప్లస్ మూవీస్’ బ్యానర్ల తో కలిసి ‘సోనీ పిక్చర్స్ ఫిలిమ్స్ ఇండియా’ వారు నిర్మిస్తున్నారు.సాయి మంజ్రేకర్, శోబితా ధూళిపాల వంటి క్రేజీ భామలు హీరోయిన్లుగా నటిస్తున్న ఈ చిత్రంలో ప్రకాష్ రాజ్,రేవతి వంటి వారు కూడా కీలక పాత్రలు పోషిస్తున్నారు.26/11 ముంబై టెర్రరిస్ట్ అటాక్స్ లో వీరమరణం పొందిన ఆఫీసర్ సందీప్ ఉన్ని కృష్ణన్ జీవితం ఆధారంగా ఈ చిత్రం రూపొందింది.

అంతేకాకుండా మేజర్ జీవితంలో మనకు తెలియని కొన్ని సంఘటనలను కూడా ఇందులో చూపించబోతున్నారు. ఇక ‘మేజర్’ టీజర్ ను ఉగాది కానుకగా కొద్దిసేపటి క్రితం తెలుగులో మహేష్ బాబు, హిందీలో సల్మాన్ ఖాన్, మలయాళంలో పృథ్వీరాజ్ సుకుమారన్ వంటి స్టార్ హీరోలతో విడుదల చేయించారు చిత్ర యూనిట్ సభ్యులు. ఇక టీజర్ విషయానికి వస్తే చూడడానికి..అడివి శేష్ గత చిత్రం ‘గూఢచారి’ నే పోలి ఉన్నట్టు అనిపిస్తుంది. కానీ విజువల్స్ గ్రాండ్ గా ఉన్నాయి. టెర్రరిస్ట్ అటాక్స్ ఎపిసోడ్ సినిమాకి హైలెట్ గా నిలిచేలా కనిపిస్తుంది.

‘దేశాన్ని ప్రేమించడం అందరి పని.. వాళ్ళందరినీ కాపాడడం సోల్జర్ పని’ అంటూ అడివి శేష్ చెప్పే డైలాగ్ ఆకట్టుకుంటుంది. అంతేకాకుండా ‘డోంట్ కమప్.. ఐ విల్ హ్యాండిల్ దెమ్’ అని టీజర్ చివర్లో వచ్చే డైలాగ్ కూడా మాస్ అప్పీల్ ను కలిగి ఉంది.శ్రీచరణ్ పాకాల అందించిన బ్యాక్ గ్రౌండ్ స్కోర్ కూడా హైలెట్ గా నిలిచిందని చెప్పాలి. తెలుగుతో పాటు హిందీ మలయాళం భాషల్లో ఏకకాలంలో అంటే జూలై 2న ఈ చిత్రం విడుదల కాబోతుంది.కొంచెం ‘గూఢచారి’ ఛాయలు ఉన్నా టీజర్ ఆకట్టుకునేలానే ఉంది. మీరు కూడా ఓ లుక్కెయ్యండి :


‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!

Share.