OTT-யில் ரிலீஸாகியிருக்கும் த்ரிஷாவின் ‘பரமபதம் விளையாட்டு’ எப்படி இருக்கு?… ட்விட்டர் விமர்சனம்!

தமிழ் திரையுலகில் முன்னணி நடிகைகளில் ஒருவராக வலம் வருபவர் த்ரிஷா. த்ரிஷா நடிப்பில் ‘பரமபதம் விளையாட்டு, கர்ஜனை, ராங்கி, சுகர், சதுரங்க வேட்டை 2, ராம், பொன்னியின் செல்வன்’ என ஏழு படங்கள் லைன் அப்பில் இருந்தது. இதில் ‘பரமபதம் விளையாட்டு’ படத்தின் ரிலீஸுக்காக நடிகை த்ரிஷாவின் ரசிகர்கள் பல மாதங்களாக வெயிட் பண்ணிக் கொண்டிருந்தார்கள்.

திருஞானம் இயக்கியுள்ள இப்படத்தை இன்று (ஏப்ரல் 14-ஆம் தேதி) தமிழ் புத்தாண்டு ஸ்பெஷலாக பிரபல OTT தளமான ‘டிஸ்னி ப்ளஸ் ஹாட் ஸ்டார்’-யில் ரிலீஸ் செய்துள்ளனர். இந்த படத்தில் சோனா, சாம்ஸ், ஏ.எல்.அழகப்பன், நந்தா, ரிச்சர்ட், வேல ராமமூர்த்தி ஆகியோர் முக்கிய ரோல்களில் நடித்துள்ளார்கள்.

இந்த படத்துக்கு பாப்புலர் இசையமைப்பாளர்களில் ஒருவரான அம்ரிஷ் இசையமைத்துள்ளார், தினேஷ் ஒளிப்பதிவாளராகவும், பிரதீப் ஈ ராகவ் படத்தொகுப்பாளராகவும் பணியாற்றியுள்ளார்கள். இப்போது, இந்த படத்தை ‘டிஸ்னி ப்ளஸ் ஹாட் ஸ்டார்’ டிஜிட்டல் பிளாட்ஃபார்மில் பார்த்த ரசிகர்கள், படம் நன்றாக இருந்ததா? இல்லையா? என தங்களது ட்விட்டர் பக்கத்தில் தெரிவித்துள்ளனர்.

Share.