OTT-யில் ரிலீஸாகியுள்ள ஜி.வி.பிரகாஷின் ‘வணக்கம்டா மாப்ள’ எப்படி இருக்கு?… ட்விட்டர் விமர்சனம்!

தமிழ் திரையுலகில் ஒரே நேரத்தில் ஒரு நடிகராகவும், ஒரு இசையமைப்பாளராகவும் கலக்கி வருபவர் ஜி.வி.பிரகாஷ் குமார். இசையமைப்பாளராக டாப் கியரில் சென்று கொண்டிருந்த ஜி.வி.பிரகாஷ் குமார், 2015-ஆம் ஆண்டு ‘டார்லிங்’ என்ற படத்தில் கதையின் நாயகனாக அவதாரம் எடுத்தார். அதுக்கு கிடைத்த வரவேற்பால், அடுத்து ‘த்ரிஷா இல்லனா நயன்தாரா’ என்ற படத்தில் நடித்தார். அப்படம் சூப்பர் ஹிட்டாக, ஜி.வி.பிரகாஷின் கால்ஷீட் டைரியில் நடிக்கவும் ஆஃபர்கள் குவிந்தது.

இப்போது இசையமைப்பாளராகவும், நடிகராகவும் ஜி.வி.பிரகாஷ் குமாருக்கு பல படங்கள் லைன் அப்பில் இருக்கிறது. இதில் இயக்குநர் எம்.ராஜேஷ் இயக்கியுள்ள ‘வணக்கம்டா மாப்ள’ படத்தில் ஜி.வி.பிரகாஷ் குமாருக்கு ஜோடியாக ‘பிகில்’ படம் மூலம் ஃபேமஸான நடிகை அம்ரிதா ஐயர் டூயட் பாடி ஆடியுள்ளார். மேலும், முக்கிய ரோல்களில் ஆனந்த ராஜ், ரேஷ்மா, டேனியல் அன்னி போப் மற்றும் பலர் நடித்துள்ளனர்.

‘சன் எண்டர்டெயின்மெண்ட்’ நிறுவனம் தயாரித்துள்ள இந்த படத்தை அந்நிறுவனத்தின் OTT தளமான ‘சன் நெக்ஸ்ட்’யில் இன்று (ஏப்ரல் 16-ஆம் தேதி) ரிலீஸ் செய்துள்ளனர். இப்போது, இந்த படத்தை ‘சன் நெக்ஸ்ட்’ டிஜிட்டல் பிளாட்ஃபார்மில் பார்த்த ரசிகர்கள், படம் நன்றாக இருந்ததா? இல்லையா? என தங்களது ட்விட்டர் பக்கத்தில் தெரிவித்துள்ளனர்.

Share.