నాగచైతన్య, సమంత పెళ్ళికి ఆహ్వానం అందుకునే వారెవరంటే?

క్యూట్ బ్యూటీ సమంత, నాగ చైతన్యలు అక్టోబర్ ఆరవ తేదీన పెళ్లి చేసుకోబోతున్నారు. పెళ్లి ముహూర్తంలోపున తమ ప్రాజక్టులను పూర్తి చేసే పనిలో ప్రేమ పక్షులున్నారు. గోవాలో జరగనున్న ఈ వేడుక చాలా సింపుల్ గా జరగనుందని అమల రీసెంట్ గా వెల్లడించిన సంగతి తెలిసిందే. ఈ కల్యాణ మహోత్సవాన్ని నిరాడంబరంగా తమ రెండు కుటుంబాల మధ్య జరపాలని నిశ్చయించామని చెప్పారు. ఇరు కుటుంబసభ్యులతో పాటు అతితక్కువ మంది ఫ్రెండ్స్ ఈ పెళ్ళికి హాజరుకానున్నారు.

అతిధుల జాబితాలో రానా పేరు ముందుంది. రానా బంధువు అయినప్పటికీ చైతూకి బెస్ట్ ఫ్రెండ్. అలాగే యంగ్ టైగర్ ఎన్టీఆర్ ని కూడా ప్రత్యేకంగా ఆహ్వానించనున్నట్లు తెలిసింది. సమంతకి మాత్రం హీరోయిన్స్ ని ఎవరినీ పిలిచే ఆలోచనలేదని సమాచారం. తన స్టయిలిస్ట్ నీరజ కోనకి మాత్రమే ఆహ్వానం అందిందని ఫిలిం నగరవాసులు చెబుతున్నారు. పెళ్ళికి అతి తక్కువ మంది హాజరైనప్పటికీ రిసెప్చన్ కి మాత్రం తెలుగు చిత్ర పరిశ్రమలోని అనేకమంది హాజరుకానున్నారు.


Also, do SUBSCRIBE to our YouTube channel to get latest Tollywood updates.

Share.